काठमाडौं/२८ जेठ 
नेपाल सरकारले प्रवक्ताको जिम्मेवारी सञ्चार तथा सूचना प्रविधिमन्त्री नैनकला थापालाई दिइएको छ ।

प्रधानमन्त्री तथा मन्त्रिपरिषद् कार्यालय सिंहदरबारमा बसेको मन्त्रिपरिषद् बैठकले थापालाई सरकारको प्रवक्ताको जिम्मेवारी तोकिएको प्रधानमन्त्री केपी शर्मा ओलीका प्रेस सल्लाहकार सूर्य थापाले जानकारी दिनुभयो । 

सरकारले प्रायः सञ्चारमन्त्रीलाई नै प्रवक्ताको जिम्मेवारी दिने गरेको छ । थापा बिहिबार सञ्चारमन्त्रीमा नियुक्त हुनु भएको हो । प्रधानमन्त्री ओलीले बिहीबार नै सात मन्त्री नियुक्त गर्नु हुँदै मन्त्रिपरिषद्लाई पूर्णता दिनु भएको हो ।