काठमाडौं,बैशाख १९ गते शुक्रबार । रेडियो नेपालकी प्रथम गायिका रानुदेवी अधिकारीको निधन भएको छ । पारिवारिक स्रोतका अनुसार उनको गएराति निधन भएको हो ।

२७ नोभेम्बर १९३६ मा वीरगञ्जमा जन्मिएकी उनको बाल्यकाल बनारसमा बितकेो थियो ।

सानैदेखि शास्त्रीय गायनमा सक्रिय रानुदेवीले पहिलोपटक २००६ सालमा ६ वटा गीत रेकर्डिङ गरेकी थिइन् ।

विराटनगरको जुट मिल्समा २००४ सालमा स्थापना गरिएको तत्कालिन प्रजातन्त्र रेडियोमा गाउन रानुदेवीलाई तारिणीप्रसाद कोइरालाले प्रोत्साहन गरेका थिए ।

इतिहास विषयमा एमएसम्मको अध्ययन गरेकी रानुदेवी हालका १ छोरा र २ छोरी रहेका छन् ।